အချစ်ခါး အပိုင်း(၅)

အိတ်ကပ်ထဲရှိ ပိုက်ဆံတစ်ထောင်တန် တစ်ရွက်ကို စားပွဲပေါ်သို့ ဘုတ်ကနဲပုတ်တင်လိုက်ပြီး ထိုင်ရာမှထကာ ဂီတကိုကျောခိုင်းပြီး canteen ထဲမှ မုန်တိုင်းထွက်လာခဲ့သည်။ ဂီတကတော့နောက်ကနေ သူ့ကိုငေးကျန်ခဲ့မည် ထင်သည် သို့ပေမယ့် ပေမယ့်သူလှည့်မကြည့်တော့ပါ။ အရှေ့ကိုသာဦးတည်ပြီး လားလားမတ်မတ်လျှောက်လာခဲ့သည်။

က္ကတရာလမ်းမကြီးကား မဲနက်လျက် နေအပူဒဏ်ကြောင့် အပူငွေ့တွေတထောင်းထောင်း ထပြီးမျက်နှာကို လာဟတ်နေသည်ဟုထင်ရသည်။ ဝတ်ထားသည့်င်္အကျီက အပူစုပ်သည့်အနက်ရောင် ဖြစ်နေသောကြောင့် နေပူထဲထွက်လိုက်သည်နှင့် ချက်ချင်းနဖူးတွင်ချွေးတွေစို့လာ လေတော့သည်။ ဒီပုံစံအတိုင်းဆိုလျှင် ဘတ်စ်ကားဂိတ်ထိ ရောက်အောင်သွားနိုင်တော့မည် မထင်။ ထို့ကြောင့်အနီးနားဖြတ်သွားသည့် တက္ကစီကားတစ်စီးကိုသာ လက်ပြပြီးတားလိုက်သည်။ အနားသို့ကားရောက်လာတော့ ကားတံခါးကို ဖွင့်ပြီးဂျိမ်းကနဲ ပိတ်ကာအထဲသို့ဝင်ထိုင် ပစ်လိုက်၏။ ဆောင်းဆီသွားမည်။

ဆောင်းအိမ်ရှေ့ရောက်တော့ ကားသမားကိုကားရပ်ခိုင်း လိုက်ပြီးကားခရှင်းပေးလိုက်သည်။ ထို့နောက်ဆောင်း အိမ်ရှေ့သို့လျှောက်လာခဲ့၏။ အိမ်ရှေ့ရောက်တော့ ခြံတခါးမှာပွင့်နေပြီး အနားတွင် နက်ပြောင်နေသည့် မာစီးဒီးကား တစ်စီးရပ်ထားသည်ကိုတွေ့ရသည်။ ဆောင်းအိမ်တွင် ဧည့်သည်ရောက်နေသည် ထင်သည်။ ဒါဆိုလူတွေများနေမှာပေါ့။ မဝင်တော့ဘဲ အိမ်ကိုပဲပြန်လိုက်ရင်ကောင်းမလား။ရောက်ပြီးမှတော့မထူးတော့ပါဘူးကွာ။

ပွင့်နေသည့်ဝင်းတံခါး ပေါက်မှ အိမ်ဝင်းထဲသို့ လျှောက်လာခဲ့လိုက်၏။ အိမ်ရှေ့ရောက်တော့ အိမ်ထဲတွင်ဆောင်းရှိနေသည်။ ဆောင်းနှင့်အတူ အသက်လေးဆယ်လောက်ရှိသည့် ဘဲကြီးတစ်ဗွေကိုပါ တွေ့လိုက်ရ၏။ သူအိမ်ထဲသို့ ဆက်မဝင်မိတော့။ အဝင်ဝတွင်သာရပ်တန့်လျှက် ကြောင်တောင်တောင်နှင့် ငေးမောနေမိသည်။ ဆောင်းကသူ့ကိုမြင်တော့ မကောင်းဆိုးဝါးတစ်ကောင်ကို မြင်လိုက်ရသလို ချက်ချင်း ဣနြေ္ဒပျက်သွားသည်။ ဆောင်းဘာဖြစ်သွားတာလဲ။ ဒီလူကြီးကကော ဘယ်သူလဲ။ ဆောင်းနဲ့ဘယ်လိုပက်သက်နေလဲ။ ။မေးခွန်းပေါင်းများစွာ သူ့ဦးနှောက်ထဲ ပြွတ်သိပ်ပြီး အစုလိုက်အပြုံလိုက် ဝင်ရောက်လာ၏။

ဧည့်ခန်းတွင်ထိုင်နေသည့် လူကြီးကသူ့ကိုငေးကြည့်နေသည်။ သူကတော့ အပေါက်ဝကနေ တောင့်တောင့်ကြီး ရပ်တန့်၍သာနေမိသည်။ ထိုအခါ ထိုင်နေသောဆောင်းဆီမှ အသံက သူတို့၏တိတ်ဆိတ်ခြင်းတွေကို စတင်ဖေါက်ခွဲလိုက်၏။

"ဪ ကိုမုန်တိုင်းပါလား ။လာလေ အိမ်ထဲကို"

ကမ္ဘာကြီးက ၂၃ ၁/၂ ဒီဂရီထက် ပိုစောင်းသွားသလို ခံစားလိုက်ရ၏။ ကိုမုန်တိုင်းတဲ့။ မောင်လို့ချစ်စဖွယ် ခေါ်တတ်သည့် သူမသည်ယခု သူစိမ်းတစ်ယောက်ရှေ့တွင် သူ့ကိုနာမည်တပ်ပြီး ကိုမုန်တိုင်းဟု ခေါ်နေချေပြီ။ သို့ပေမယ့် သူ့နှုတ်သည် အားစေးတွေထည့်ထားသလို ဆွံ့အလျှက် မည်သည့်စကားတစ်လုံးမျှ မဆိုမိ။

သူဧည့်ခန်းထဲသို့ လျှောက်လာကာ ထိုလူကြီးနဘေးတွင် ဝင်ထိုင်လိုက်သည်။ ရင်ထဲမှာတော့ မတင်မကျနှင့် ရေတံခွန်တစ်ခု လှည့်ပတ်စီးဆင်းနေသလို တဝုန်းဝုန်းရိုက်ခတ်သံတွေ မြည်ဟီးနေပါသည်။ အနားတွင်ရှိသော လူကြီးမှာ သူ့ကိုမည်သူမည်ဝါ မှန်းသိချင်နေသည့် အနေအထားတွင်ရှိသည် ထင်သည်။ စူးစမ်းသောအကြည့်တွေဖြင့် သူ့ကိုစိုက်ကြည့်လျှက်ရှိသည်။ သူလည်းနေရထိုင်ရခက်ကာ အိုက်စပ်စပ်ဖြစ်လာသည်။ သိချင်စိတ်တွေ ပြင်းပြလာသည့်အဆုံး မှာတော့

"ဆောင်း"

"ကိုမုန်တိုင်း ဒါကျွန်မတို့ရုံးက CEO ဦးကျော်စွာတဲ့"

သူစကားစမည်လုပ်မှ ဆောင်းဆီကအသံ ထွက်လာသဖြင့် ပြန်နှုတ်ဆိတ်နေလိုက်ရသည်။ ဆောင်းက သူမ၏စကားကို ဆက်ပြော၏။

"ဦးဒါသမီးရဲ့ မိတ်ဆွေ ကိုမုန်တိုင်းတဲ့"

သူရင်တွေဗြောင်းဆန်သွားသည်။ စောစောက ကိုမုန်တိုင်းဟုခေါ်သည်။ အခု မိတ်ဆွေဟု ပြောပြန်သည်။ ယခုအချိန်၌ အနီးအနားမှာသာ ချောက်ကမ်းပါးတစ်ခုရှိနေလျှင် သူပြေး၍ခုန်ချချင်စိတ်တွေ တဖွားဖွားပေါ်လာ လိမ့်မည်ဟုထင်သည်။ နက်မှောင်နေသည့် လျှိုထဲမှ ကျဉ်းမြောင်းလှသည့် ကျောက်သားကြမ်းကြမ်းကြီးတွေကြား ဖြတ်လျှောက်နေရသည့် လူသားတစ်ဦးပမာ သူ့စိတ်တွေ ကြပ်ညပ်လာသည်။ ဆောင်း၏ချစ်သူတစ်ယောက် အပေါ်သုံးနှုန်းသည့် စကားလုံးများက ရင့်သီးလွန်းသည်။ သူမခံနိုင်တော့။ ပေါက်ကွဲတော့မည်။

"မိတ်ဆွေ! ဟုတ်လားဆောင်း? မင်းဘာသဘောနဲ့ ဒီလိုပြောလိုက်တာလဲ။ "

"ကိုမုန်တိုင်းနဲ့ကျွန်မက မိတ်ဆွေတွေလို့ပြောတာလေ ကိုမုန်တိုင်းရဲ့။ မြန်မာစကားကို နားမလည်ဘူး ထင်ပါ့"

"နားလည်တယ် မင်းကိုဘာသဘောနဲ့ပြောတာလည်း လို့မေးနေတာ"

"ဆောင်းတို့နှစ်ယောက်က တစ်ခုခုပက်သက်နေကြမယ်ထင်တယ် အေးအေးဆေးဆေးပြောကြပါလား"

နဘေးမှလူကြီး၏ စကားဖြစ်သည်။ ဆောင်းက သူ့ကိုကြည့်ပြီး စကားတုန့်ပြန်သည်။

"ပက်သက်တယ်ဆိုတာ သူ့ဖက်ကနေတော့ တစ်ဖက်သက် ဆန္ဒတွေရှိနေတာမျိုးတော့ ရှိချင်ရှိမယ်ထင်တယ်ဦး။ သမီးဖက်ကတော့ သူ့ကိုမိတ်ဆွေအဆင့်မှာပဲ ထားထားပါတယ်ဦး။"

"ဆောင်း မင်းဘာဖြစ်သွားတာလည်း အပြောင်းအလည်းမြန်လှချည်လား။ ငါနဲ့ချစ်သူတွေဆိုတာကို သူစိမ်းတစ်ယောက်ရဲ့ရှေ့မှာ ဝန်ခံရဖို့မင်းရှက်နေသလား။ အဲ့ဒီလိုဖြစ်နေရအောင် ဒီလူကြီးကမင်းအတွက် ငါ့ထက်ပိုပြီးအရေးပါ လို့လား။ မင်းလုံးဝမရိုးသားဘူးဆောင်း"

"ရှင်ပြောနေတာတွေ ကျွန်မဘာမှနားမလည်ဘူး။ သွေးရူးသွေးတန်းနဲ့ ကျွန်မကိုဘာလို့ အရှက်လာခွဲနေရတာလဲ။ ရှင်ရူးနေလား"

"တောက် .......! မင်းသိပ်ပြီးစကားကို ဗလောင်းဗလဲပြောတတ်တာပဲဆောင်း။ ငါ့ကိုမောင်လို့ခေါ်ခဲ့တုံးက မင်းပါးစပ်ကိုဒီလောက်ပြောတတ်လိမ့်မယ် လို့မထင်ဘူး။ မဆိုးပါဘူး မင်းပါးစပ်ကိုရွှေချထားသင့်တယ်ဆောင်း"

"ရှင်ကျွန်မအိမ်ကိုလည်းလာသေးတယ် ကျွန်မကိုလည်းစော်ကားသေးတယ်။ ရှင်အခုချက်ချင်းကျွန်မ အိမ်ကထွက်သွား........"

ဆောင်း၏မျက်နှာကြီးသည် ရှက်စိတ်နှင့်ဒေါသစိတ် ရောပြွန်းကာ နီမြန်းလာလေသည်။ သူ့ကိုကြည့်နေသည့်မျက်လုံးတွေက စားတော့ဝါးတော့မည့်ပုံစံဖြင့် ခွေးတိရိစ္ဆာန်တစ်ကောင်လို ယခုတော့သူ့ကို လက်ညှိးငေါက်ငေါက်ထိုးပြီး အိမ်ထဲမှမောင်းထုတ်နေချေပြီ။ သူထိုင်ရာမှ မတ်တတ်ထရပ်လိုက်ပြီး......

"မင်းဟာမြွေဟောက်လိုပဲ သိပ်ကြောက်ဖို့ကောင်းတဲ့ မိန်းမပဲဆောင်း။ အေးလေငါလိုငမွဲတစ်ကောင် ကိုမင်းလိုငွေမက်တဲ့မိန်းမက ဘယ်တန်ဖိုးထားပါ့မလဲ။ အခုလိုမင်းစိတ်ဓာတ်ကို စောစောစီးစီးသိခွင့်ရလိုက်တာ ငါကံကောင်းတာပဲဆောင်း"

"ရှင့်ကိုထွက်သွားလို့ပြောနေတာ နားမပါဘူးလား ထွက်သွား..........."

"အဟတ်.....ကျွန်တော့်မျက်နှာကိုသေချာကြည့်စမ်းပါ ဒေါ်ဆောင်းနှင်းမြူ။ အခုလိုပြောလိုက်တဲ့ အတွက်များ ဝမ်းနည်းသွားလိမ့်မယ်လို့ ထင်နေသလား။ မင်းလိုသစ္စာမရှိတဲ့မိန်းမ တစ်ယောက်အတွက် ငါ့မှာကျစရာမျက်ရည်မရှိဘူးဆောင်း။ မင်းဟာမိန်းမယုတ် မိန်းမညံ့ ငါမင်းကိုမုန်းတယ်............"

ပြောချင်တာတွေပြောပြီးသည်နှင့် ချာကနဲလှည့်ကာ အိမ်ထဲမှထွက်လာခဲ့သည်။ လက်သီးကိုကျစ်ကျစ်ပါအောင် ဆုပ်ထားရင်း အံကိုကြိတ်ထားမိသည်။ သွားမည်။ ဤအိမ်ကိုဘယ်တော့မှ သူလာစရာအကြောင်းမရှိတော့။ အနောက်ကျောမှ သူ့အတွက် ယောက်ျားတစ်ဦး၏ စကားလက်ဆောင် သဲ့သဲ့ကိုကြားလိုက်ရသည်။ "ဒီကောင်တော်တော်မိုက်ရိုင်းတာပဲ" တဲ့။

**********

သူ့အတွက်အချစ်ဆိုသည့် ကာရံမရှိ နဘေကင်းမဲ့နေသည့် ကဗျာတစ်ပုဒ်သည် ယခုတော့မလှပခြင်းများစွာဖြင့် မရှုမလှဇာတ်သိမ်းသွားချေပြီ။ စားပြီးမှအဆိပ်ရှိမှန်း သိလိုက်ရသည့်အသီးတစ်လုံး ကိုနောင်တတွေ တထွေ့တပိုက်ကြီးဖြင့်ကြည့်နေရသလို သူ့အသည်းတွေသည် တဆက်ဆက်နာကျည်းနေရုံမှတစ်ပါး ဘာမှမတက်နိုင်တော့။ ယခုတော့ သူ့ခန္ဓာကိုယ်အနှံ့ အဆိပ်တွေက ပြန့်နှံ့နေလေပြီ။ သို့ပေမယ့် ဝမ်း"

နည်းစရာကောင်းသည်က သူလုံးဝဝမ်းနည်းမနေခြင်းပင် ဖြစ်သည်။ နာကျင်စရာအတွက်ကြေကွဲခြင်းမျက်ရည် တို့ကသူ့မျက်ဝန်းအိမ်မှာ ခိုအောင်းနိုင်စွမ်းမရှိခဲ့ပါ။

အနာဂတ်တွင် တည်ဆောက်ရန်မျှော်လင့်ထားသည့် အိမ်ကလေးတစ်လုံးသည် ယခုတော့ လေဒဏ်မိုးဒဏ်မခံ ပဲခြေရာကောက်လို့မရအောင် သဲလွန်စကင်းမဲ့လျှက်အစအန ပင်ရှာမရအောင် ဝေးဝါးပျောက်ကွယ်သွားလေသည်။ သူ့နှလုံးသားသည်လည်း နာကျည်းခြင်းများ အမုန်းတရားများပြည့်နှက် ဒဏ်ရာတွေဗရပွ ဖြစ်နေချေပြီလေ။ သွေးစိမ်းပေါက်ပေါက်ဖြစ်နေသော သူ့နှလုံးသားသည် မိုးတွေစို ကံဆိုးမှုတွေရွှဲရွှဲနစ်လို့ ဆုံးရှုံးမှုသစ်ရွက်တွေနဲ့ ခြောက်ကပ်နေပြီး လူသူကင်းမဲ့နေသည့် အထီးကျန်ခြင်းတောင်ကုန်းပေါ်က သစ်ပင်အိုကြီးလို ဝိညာဉ်ကင်းမဲ့နေရှာသည်။

အချစ်ဆိုသည့် အလျှံညီးညီး မီးတောက်မီးလျှံကြီးထဲ နေ့စဉ်ခုန်ချနေရတဲ့ သူ့ဘဝခရီးရဲ့အခမဲ့ညတွေသည် သိပ်ပြီးသိပ်သည်းလွန်းလှခဲ့သည်။ အကယ်၍ နှလုံးသားသည် အဆုတ်တစ်ခုဆိုပါက ကြပ်ခိုးစွဲမီးဖိုချောင်ကြောင့် ချောင်းဆိုးလိုက်တိုင်း ရင်ခေါင်းကြီးထဲက မီးတွေထတောက်နေလောက်ရော့မည်။ ယခုတော့သူသည် အတွင်းလူမမာတစ်ယောက်လို အပြင်းအထန်ကုသခံရဖို့ လိုအပ်နေပြီလေ။

အို သမ္မဒေဝ နတ်ကောင်းနတ်မြတ်တွေရယ် မျက်စိတစ်မှိတ်လျှပ်တစ်ပြက် အတွင်းမှာ သောမဂြိုဟ်တွေကို ချောင်းဖြစ်အောင်လုပ်ပစ်လိုက်စမ်းပါ။ လက်ပစ်ကူးပစ်ချင်လို့။ ဘဝကိုဖြစ်ညှစ်ကြည့်လိုက်ရင်တော့ လိမ္မော်သီးကလေးထဲမှာ အချိုရည်တွေကျန်နေဦးမှာပါ။ သူ့အသည်းနှလုံးထဲမှာ ပန်းများပွင့်ချင်ခဲ့သည်ပဲလေ ပိုးသတ်ဆေးအနံ့တော့ ခံရဦးမည်ပေါ့။ တစ်ခါတစ်ရံ၌ လူတွေ၏အချစ်တွင် ကုန်ဈေးနှုန်းတွေပါနေတတ်ပါလား။ သူသိခဲ့ပါသည်။

"ဟား.....ဟား.......ဟား.........ဟား........"

*************

စားသောက်ဆိုင်ထဲတွင် လူတွေကိုယ်စီရှိနေကြသည်။ အားလုံးက မိမိတို့စားပွဲတွင် စားရင်းသောက်ရင်း စကားတွေဝိုင်းဖွဲ့ပြောဆိုနေကြသည်။ အားလုံးကအေးအေးဆေးဆေးပါပင်။ မုန်တိုင်းသူ့ရှေ့ရှိ အရက်ပုလင်းထဲမှ အရက်တစ်ချို့ကို ဖန်ခွက်ထဲသို့ အနည်းငယ်ထဲ့လိုက်ကာ ရေခဲတုံးသေးသေးလေး တစ်တုံးကိုပါ ရောထဲကာ မော့ချလိုက်သည်။ သူအရက်သောက်နေခြင်းမဟုတ်ပါ ယာမကာမှီဝဲနေခြင်းလည်း မဟုတ်ပါ ကဗျာဆန်ဆန်ဆိုရသော် ဒဏ်ရာရနှလုံးသား ကိုဆေးကြောနေသည် ဟုဆိုနိုင်ပါသည်။

ကမ္ဘာပေါ်မှာရှိကြသည့် လူုတွေအားလုံး အသည်းကွဲလျှင် အရက်သောက်တတ်လား မသောက်တတ်လားတော့ မသိပါ။ သူကတော့ လောကကြီးကိုခဏလောက် မေ့ပစ်ချင်နေသည့်အတွက် အရက်ဆိုင်ထဲသို့ ရောက်လာခဲ့ခြင်းဖြစ်သည်။ လောကကြီးကို အရွဲ့တိုက်ချင်ခဲ့သည့်သူယခုတော့လောကကြီးက သူ့ကိုကြည်စားနောက်ပြောင်နေ ချေပြီလေ။ အင်းလေအမဲလိုက်သည့် မုဆိုးတောင်မှတစ်ခါတစ်လေသားကောင်ဖြစ်သွား တတ်သေးတာပဲ ဒီလောက်တော့ ခံရမည်ပေါ့။ အချစ်ဆိုတဲ့ သင်ခန်းစာနဲ့ အလွမ်းဆိုတဲ့သင်ရိုးညွှန်းတန်းကို သူမကြေညက်သေး၍ ဆောင်းကသူ့ကို lessonတွေပေးသွားခဲ့သည်ထင်သည်။

ဖန်ခွက်ထဲမှ လက်ကျန်အရက် ကုန်သွားသောအခါ ထပ်ငှဲ့ရန်အတွက် ပုလင်းရှိရာသို့လက်လှမ်း လိုက်သည်။ သို့ပေမယ့် ပုလင်းထဲမှာလဲအရက်ကကုန်နေ ပြီဖြစ်သည်။ သူစိတ်ပျက်သွားပြန်သည်။ ဒီလိုဆိုသူသောက်နေတာ အရက်တစ်ပုလင်း ရှိနေပြီမမူးသေးပါလား။ မူးချင်လို့သောက်ခါမှ မမူးနိုင်ပဲဖြစ်နေသည်။ ထိုအခိုက် သူ့အနားသို့ တစ်စုံတစ်ယောက်လာ ရပ်သဖြင့်မော့ကြည့်လိုက်သည်။

အဖြူရောင် ယူနီဖောင်းင်္အကျီနှင့် အနက်ရောင် ဘောင်းဘီကိုဝတ်ဆင်ထားသော ဝိတ်တာလေးဖြစ်နေသည်။ လက်ထဲတွင် လင်ဗန်းတစ်ချပ်ပါရှိပြီး ထိုလင်ဗန်းထဲတွင် အရက်တစ်လုံးကို ပါထည့်လာသည်ကိုတွေ့ရသည်။ သူရီဝေဝေမျက်လုံးတွေဖြင့် မော့ကြည့်လိုက်သည်။ မမူးဘူးဆိုပေမယ့် သူ့မျက်လုံးတွေကတော့ လေးလံနေပြီဖြစ်သည်။

"မင်းစားပွဲမှားနေပြီညီလေး အကိုမမှာရသေးဘူး တစ်ခြားဝိုင်းက ဖြစ်လိမ့်မယ်ထင်တယ်"

ဝိတ်တာလေးက သူ့ကိုကြည့်ပြီး ပြုံးသည်။ ထို့နောက်အခြား ဝိုင်းတစ်ခုကိုလက်ညိုးထိုးပြကာ

"အဲ့ဒီ့ဝိုင်းက အမကြီးက ဒီမှာလာချပေးပါ ဆိုလို့ပါအကို"

သူဝိတ်တာလေးပြသည့် စားပွဲဝိုင်းကိုကြည့် လိုက်သည်။ အသက်သုံးဆယ် အရွယ်ခန့် မိန်းမတစ်ဦးထိုင်နေသည်ကို တွေ့ရသည်။ သူမသည် ဆံပင်ကိုနောက်ပြောင် ဆံထုံးထုံးထားပြီး မျက်နှာတွင်မိတ်ကပ်တွေ ဖွေးနေကာ နှုတ်ခမ်းနီရဲရဲကြီးကိုဆိုးထား သေးသည်။ ဝတ်ပုံစားပုံကြည့်ရသည်မှာ ပိုက်ဆံရှိသည့်အသိုင်းအဝိုင်းက ဖြစ်ဟန်တူသည်။ သူထိုမိန်းမကို ဘဝင်မကျစွာစေ့စေ့ ကြည့်ပစ်လိုက်သည်။ သူကြည့်နေသည်ကို မြင်သွားသောအခါ ထိုမိန်းမက လက်ထဲရှိ အရက်ဖန်ခွက်ကိုမြှောက်ကာ သူ့ကိုပြုံးပြသည် ။ သူထိုမိန်းမထံမှ အကြည့်ကိုလွှဲကာ ဝိတ်တာလေးကိုသွားရန် လက်ပြလိုက်သည်။

ထို့နောက် စားပွဲတွင် တစ်ယောက်ထဲထိုင်ကာ စဉ်းစားသည်။ ထိုအရက်ပုလင်းကို သွားပြန်ပေးလိုက်ရင်ကောင်းမလား။ အဘယ်ကြောင့်သူ့ကို လာပေးရပါသလဲ။ ထိုမိန်းမသူ့ကိုကြည့်သော မျက်နှာသည် ညုတုတု ဖြင့်ကညု ချင်သောအမူအယာတွေ အပြည့်ပါနေမှန်းသည့်သည်။ ဘယ်လိုမိန်းမပါလိမ့်။

"ဟိတ် ကိုယ်မင်းကို စကားနဲနဲပြောချင်တယ် ရမလား"

အသံကြောင့် သူမော့ကြည့်လိုက်သည်။ ဒီမိန်းမတော်တော် အတင့်ရဲလာသည်။ ယခုလဲ အရက်ခွက်တစ်လုံး ဖြင့်သူ့စားပွဲသို့ရောက်လာပြန်သည်။

"ခင်ဗျားမပြောခင် ကျုပ်အရင်ပြောမယ် ခင်ဗျားဘာသေဘောနဲ့ ကျုပ်ကိုအရက်ပုလင်းလာပေးခိုင်းတာလဲ။ ဒီအရက်လောက်က ကျုပ်ပိုက်ဆံနဲ့ကျုပ် ဝယ်သောက်နိုင်တယ် ခင်ဗျားတိုက်စရာမလိုဘူး။ ခင်ဗျားအရက်ပုလင်းကို ပြန်ယူသွား"

"ဟင်းဟင်း မင်းကိုကိုယ်ကြည့်နေတာကြာပြီ တစ်ယောက်ထဲအဖော်လည်းမပါဘူး ကြည့်ရတာ ရည်ရည်လည်လည်အသည်းကွဲနေတဲ့ ပုံပဲ။ ဒါကြောင့်ကိုယ်က မင်းကို ကိုယ်ချင်းစာလို့ ဝင်ပြီးပါရမီဖြည့်တဲ့သဘောပါကွာ"

"ဒီမှာ အဒေါ်ကြီး ကျုပ်ကိစ္စခင်ဗျားနဲ့မဆိုင်ပါဘူး ဝေးဝေးသွားနေစမ်းပါဗျာ။ ညစ်နေရတဲ့အထဲ ဇယားလာမကပ်စမ်းပါနဲ့"

"အို ဟုတ်လား ဒါဆိုရင်တော့ မင်းနဲ့ကိုနဲ့ခံစားချက်ချင်းတူနေပြီကွာ ကိုယ်လည်းညစ်နေတာကွ။ အဲ့ဒါဒီည ကလပ်မှာသွားပြီး ညစ်နေတာတွေဆေးမလို့ မင်းလိုက်ခဲ့ပါလား။"

နဂိုက ညစ်နေသည့်စိတ်တွေက ထိုမိန်းမစကားကြောင့် ဒေါသစိတ်တွေဖြစ်သွားကာ ထောင်းကနဲစိတ်တိုသွားသည်။ စိတ်ရှိလက်ရှိ အချဉ်ပေါက်ပြီး လုပ်ချင်တာတွေလုပ်ပစ် လိုက်ရရင်တော့ မကောာင်းရောရှိတော့မည်။ တော်တော်မျက်နှာပြောင်သည့်မိန်းမ ပါလား။

"ခင်ဗျားတော်တော် အရှက်မရိုတဲ့မိန်းမပဲ။ ကျုပ်ကိုလာပြီး ကလူ၏သို့မြူ၏သို့ လာလုပ်မနေနဲ့ စိတ်မဝင်စားဘူး ရှင်းလား။ ခင်ဗျားသွားတော့။ "

"မင်းကလည်းကွာ လုပ်မနေစမ်းပါနဲ့ ဘယ်လောက်ပေးရမလဲပြောကွာ"

" ဟင် ခင်ဗျား..........ခင်ဗျား ကျုပ်ကိုဖာကောင်းများမှတ်နေလား ။ ထွီ....... အော်ကလီဆန်ဖို့ကောင်းလိုက်တာ"

"ဟေ့ကောင် မင်းငါ့မိန်မကို ဘာပြောတာလဲ။ ငါ့မိန်းမကိုကျူနေတာ မင်းမိုလား"

အနောက်ဘက်ဆီမှ အသံထွက်လာသဖြင့် သူလှည့်ကြည့်လိုက်သည်။ အရပ်ပုပုဝဖိန့်ဖိန့်နှင့် တရုတ် တစ်ဦးဖြစ်နေသည်။ မျက်နှာကြီးမှာ ဝအစ်နေပြီးအဆီတဝင်းဝင်းဖြင့်စကားပြောလိုက်လျှင် ပါးစပ်ထဲမှရွှေသွားတွေက ပေါ်လာကာ မျက်စိပေါက်ကကျည်းသွားလေသည်။သူ့အနောက်တွင်လဲ တပည့်ဖြစ်ဟန်တူသော မျက်နှာတွင်ကျောက်ပေါက်မာ ပါရဗျစ်နှင့်လူ နှစ်ဦးပါလာသည်။

"ဘယ်သူက ခင်ဗျားမိန်းမကိုကျူနေလို့လဲ "

"ဟေ့ကောင်မင်းကျူနေတာကို မျက်စိနဲ့တပ်အပ်မြင်တာကွ"

"သေချာမြင်အောင်ကြည့်ပါလား ခင်ဗျားမိန်းမကသာ ကျုပ်ကိုအရှက်မရှိလာကျူနေတာ"

" ကိုကိုမဟုတ်ဘူး သူညာပြောနေတာ မယုံနဲ့ကိုကို"

"တိတ်စမ်း....နင့်အကြောင်းငါသိတယ် နင်နဲ့ငါနဲ့အိမ်ရောက်မှ စာရင်းရှင်းမယ်။ အခုလောလောဆယ် ဒီကြာကူလီကောင်ကို အရင်ဆုံးမရမယ်"

ဆိုင်ထဲမှအရက်သေက်နေကြသူများသည် ရုတ်ရုတ်ရုတ်ရုတ်ဖြစ်လာသောကြောင့် မုန်တိုင်းတို့ စားပွဲသို့ ဝိုင်းကြည့်ကြလေသည်။ တရုတ်ကြီးသည် သူ့မိန်းမကိုမာန်မဲလိုက်ပြီးနောက် မုန်တိုင်းဖက်သို့လှည့်ကာ သူ၏မေးစင်းနေသော မျက်လုံးများဖြင့် ဂျိုလ်ကြည့်ကြည့်လေသည်။

"သူများမယား အချောင်နိုက်ချင်တဲ့ကောင် မင်းလဲနာဖို့သာပြင်"

"ခင်ဗျားဟာလေ ဦးနှောက်မရှိတဲ့နွားကြီးလိုပဲ ဘာမှလဲရည်ရည်ရာရာ သိတာမဟုတ်ပဲနဲ့ လိုက်ပြီးစွပ်စွဲရတယ်လို့။ ခင်ဗျားမိန်းမရုပ်ကိုလဲကြည့်ဦး ရွဲ့စောင်းနေတာပဲ။ မရှိရင်ဆားနဲ့ပဲစားမယ် အဲ့လိုပါချီပါချဲ့ အညောင်းကြီးကိုတော့ ချူစားမနေဘူး ရှင်းလား"

"ဒီကောင်လူပါးဝလှချည်လား ကဲကွာ......."

"ခွပ်......"

"အွန့်......."

တရုတ်ကြီး၏ ခပ်ပြင်းပြင်းလက်သီးချက် ကြောင့်မုန်တိုင်းပက်လက်ပြီး သံမံတလင်းပေါ်လဲကျသွားသည်။ စပ်ဖျင်းဖျင်းနာကျင်မှုကြောင့် မျက်နှာကြီးထူပူသွားပြီး ဒေါသတွေတရိပ်ရိပ်ထွက်လာ၏။ သူလဲနေသည်ကို အခွင့်ကောင်းးယူကာ တရုတ်ကြီးက အပေါ်စီးကနေခုန်အုပ်လာသဖြင့် ရင်ဝကိုဆောင့်ကန်ချလိုက်လေသည်။

"ဘုန်း........"

မုန်တိုင်း၏ကန်ချက်ကြောင့် တရုတ်ကြီးသည် ရင်ဘတ်အောင့်သွားကာ အနောက်သို့လန်ပြီး အနားရှိ စားပွဲခုံကို လက်ဖြင့်ထောက်မိလိုက်လေသည်။ သို့သော်စားပွဲခုံမှာအလေးချိန်မခံနိုင်ပဲ တစ်ခြမ်းစောင်းကာကြွတက်လာလေ၏။ ထို့နောက်လျှောပြီး စားပွဲပေါ်ရှိဟင်းပန်းကန်များက တရုတ်ကြီးပေါ်သို့ ကျကုန်လေသည်။ တရုတ်ကြီးလဲ ဖင်ထိုင်လျှက်လဲလေတော့သည်။

"ဟိုနှစ်ကောင် ဘာလုပ်နေကြတာလဲ မင်းပထွေးကို ဝိုင်းသမကြလေကွာ။ ငါခံရတာတော်တော်ကြည့် လို့ကောင်းနေကြသလား ခွေးကောင်တွေ"

တရုတ်ကြီးကထအော်မှ ကြောင်ပြီးရပ်ကြည့်နေကြသည့် ငနဲနှစ်ကောင်က သတိဝင်ကာ မုန်တိုင်းဖက်သို့လှည့်ကာ ရန်မူရန်ပြင်ကြလေသည်။ စားသောက်ဆိုင်ထဲတွင်လည်း လူတွေရုတ်ရုတ်သည်းသည်းဖြစ်ကုန်ကြသည်။ အားလုံးက ရန်ပွဲကိုစိတ်ဝင်စား နေကြပြီးခပ်လှမ်းလှမ်းကနေ ဝိုင်းပြီးကြည့်နေကြသည်။ မည်သူတစ်ဦးတစ်ယောက်ကမှ ဝင်မဆွဲမဟန့်တားကြချေ။

ထိုစဉ်မုန်တိုင်း သည်သူ့ဆီကိုရန်မူရန် လာနေသော ငနဲနှစ်ကောင်ကိုတိုက်ခိုက်ရန် အသင့်အနေအထား ဖြစ်နေသည်။ ငနဲနှစ်ကောင်သည် မုန်တိုင်းနားသို့ နီးနိုင်သမျှနီးအောင် ကပ်လာကြသည်။ မုန်တိုင်းသည် အနားသို့ကပ်လာသည့် နှစ်ကောင်အနက်မှတစ်ကောင်ကို ပိတ်ထိုးချလိုက်သည်။

သို့သော်မုန်တိုင်း၏ ထိုးချက်မှာမထိပဲ ချော်သွားလေသည်။ ငနဲနှစ်ကောင်ထဲမှ တစ်ကောင်က မုန်တိုင်းကို ဝင်လုံးကာ အတင်းချုပ်ထား၏။ ကျန်သည့်တစ်ကောင်က မုန်တိုင်းရှေ့မှ တည့်တည့်ရပ်ကာ မုန်တိုင်းမျက်နှာကို ထိုးထဲ့လိုက်သည်။

"ခွပ်......."

မုန်တိုင်းသည် ဒုတိယအကြိမ် ထပ်အထိုးခံလိုက်ရသောအခါ မျက်နှာကြီးနီရဲသွားသည်။ အနောက်ဖက် သူ့ကိုချုပ်ထားသော ငနဲတစ်ကောင်ကို တစ်ထောင်ဖြင့်တွတ်ထဲ့လိုက်လေသည်။ အရှေ့ဘက်မှငနဲကိုလဲ ခြေထောက်ဖြင့်ကန်ရန်ပြင်လိုက်သည်။ သို့သော်အနောက်မှ တစ်ယောက်ကပြန်ထကာ မုန်တိုင်းအပေါ်သို့ အနောက်မှသိုင်းဖက်ပြီး တွဲလဲခိုလိုက်သဖြင့် မုန်တိုင်းသည် အရှေ့ကိုရန်မူရမလို အနောက်ကိုရန်မူရမလိုဖြစ်နေသည်။ ထိုစဉ်အရှေ့ ရှိငနဲတစ်ကောင်ကပါ မုန်တိုင်းပေါ်သို့ လှမ်းခုန်အုပ်လိုက်သဖြင့် မုန်တိုင်းသည်လူနှစ်ယောက်၏ အလေးချိန်ကိုမခံနိုင်တော့ပဲ ကြမ်းပြင်ပေါ်သို့ ခြေခေါက်ကာ ဒူးခေါင်းညွှတ်ပြီး လဲကျသွားလေသည်။

သူတို့သုံးဦးသားသည် ကြမ်းပြင်ပေါ်တွင် လူးလိုက်လိမ့်လိုက်ဖြင့် တစ်ယောက်နှင့်တစ်ယောက် လုံးထွေးသတ်ပုတ်နေကြလေ၏။ နောက်ဆုံးတွင် နှစ်ယောက်နှင့်တစ်ယောက် အားခြင်းမမျှသောကြောင့် မုန်တိုင်းကို ထိုနှစ်ယောက်က ဝိုင်း၍ချုပ်ထားနိုင်လိုက်ကြသည်။ တစ်ယောက်က မုန်တိုင်းလက်ကိုလက်ပြန်လိမ်ထားပြီး ကျန်တစ်ယောက်က မုန်တိုင်းခါးပေါ်မှခွထိုင်ကာ ခြေထောက်နှစ်ချောင်းကို ခေါက်ပြီးအတင်းဖိထားလေ၏။ မုန်တိုင်းသည် ကြမ်းပြင်ပေါ်တွင်ဝမ်းယားမှောက် ဖြစ်နေကာ သူ့အပေါ်မှလူနှစ်ယောက်က ချုပ်ထားသဖြင့်မလှုပ်နိုင် မယှက်နိုင်ဖြစ်နေတော့သည်။ ပတ်ဝန်းကျင်ကို အကူအညီရလို့ရညား ကြည့်လိုက်၏ သို့သော်မည်သူကမှဝင်မဆွဲရဲကြဟန်ရှိသည် အားလုံးခပ်ဝေးဝေးသို့ရှဲကုန်ကြသည်။

ထိုအချိန်တွင် မုန်တိုင်းကန်၍လဲနေသော တရုတ်ကြီးက သူတို့အနားသို့လျှောက်လာလေသည်။ လက်ထဲတွင်လည်း ဟော်ကီရိုက်သည့် တုတ်တစ်ချောင်းကို ကိုင်လာသည်။ မုန်တိုင်းသည် တရုတ်ကြီးကိုင်လာသည့်တုတ်ကြီး ကိုမြင်သောအခါ မျက်လုံးပြူးသွားသည်။ သူ့ကိုယ်ကိုအတင်းရုံးကြည့်သည် ။မရ။ အပေါ်ကငနဲတွေက အပြီချုပ်ထားသဖြင့် ဘယ်လောက်ရုံးရုံး အရာမထင်ပေ။ သူဇောချွေးတွေပြန်လာသည် ထိုတုထ်ကြီးဖြင့်အရိုက်ခံရပါက ကျောင်းပင်တတ်နိုင်တော့မည် မထင်ပါ။ တရုတ်ကြီးက တဖြည်းဖြည်းအနားသို့ ရာက်လာလေ၏။

သူအနားသို့ ရောက်ခါနီးတွင် တရုတ်ကြီးက အောင်နိုင်သူမျက်နှာဖြင့် မုန်တိုင်းကိုကြည့်ကာ စုတ်တကျွတ်ကျွတ် သပ်လေသည်။ ထို့နောက်မုန်တိုင်းကို ရိုက်ရန်တုတ်ကို လေထဲတွင် လေးဆယ့်ငါးဒီဂရီခန့့် မြှောက်ကာ ချိန်စနေလေသည်။ ဘုရားဘုရား တစ်ကယ်ရိုက်မယ့်ပုံပဲ။ မုန်တိုင်းစိတ်တွေ အကြီးအကျယ် လှုပ်ရှားနေပြီး ရင်ခုန်သံတွေမြန်ကာ နှလုံးသွေးတွေနွေးလာလေသည်။ ချွေးတွေပြန်လာပြီး မကြည့်ရဲတော့သဖြင့် မျက်လုံးကိုစုံမှိတ်ထားလိုက်သည်။ သူ့ကိုရိုက်တော့မည် ရိုက်ပြီ။

"ဘုန်း..........."

"ဝုန်း........."

သွားပြီ .....သူ့မျက်နှာကြီးစုတ်ပျက်သွားပြီလား။ ။ဒါမှမဟုတ်နဖူး ဟတ်တတ်ကွဲကာ သွေးတွေအပြုံလိုက်မျက်နှာပေါ်စီးကျလာပြီလား။ သူမသိတော့။ သေချာသည်က မည်သည့်နာကျင်မှုတစ်စုံတစ်ရာမှ သူမခံစားရပါ။ အဘယ်ကြောင့်ပါနည်း သူမျက်လုံးတွေကို ဖြည်းဖြည်းချင်းဖွင့်ကြည့်လိုက်သည်။ အရင်ဆုံးမြင်လိုက်ရသည်က ကြမ်းပြင်ပေါ်တွင်လဲကျနေသော တစ်ရုတ်ကြီး၏ ခန္ဓာကိုယ်ဝတုတ်တုတ်ကြီးပင်။ ထို့နောက်သူ့ကိုယ်ပေါ်မှ ငနဲနှစ်ကောင်ဆီမှ အော်သံတွေထွက်လာလေသည်။

"ဘုန်း...."

"အားးးးးးး အမယ်လေးဗျ"

"ဘုန်း......"

"အား......"

"သေပါပြီ....."

တစ်ယောက်ပြီးတစ်ယောက် အော်သံတွေဆင့်ကာဆင့်ကာ ထွက်လာပြီးနောက် ကြမ်းပြင်ပေါ်သို့ ဘိုင်းကနဲ ဘိုင်းကနဲ ကျလာလေသည်။ ယခုမှ သူ့ခန္ဓာကိုယ်ကြီးကပေါ့သွားတော့သည်။ ထို့နောက် သူ၏ကယ်တင်ရှင်ကို သိလိုသဖြင့်သူမောကြည့်လိုက်သည်။

"ဂီတ......."

".............. ............"

ဟုတ်သည်။ ဂီတဖြစ်သည်။ လက်ထဲတွင် နှစ်တစ်တုတ်တစ်ချောင်းကိုကိုင် ထားကာမောဟိုက်နေဟန်ဖြင့်သူ့ကိုကြည့်သည်။ ထို့နောက်အနားသို့လျှောက်လာကာ သူ့ကိုပြုံးပြပြီး လက်တစ်ဖက်ကမ်းပေးလေသည်။ သူဂီတပေးသည့် လက်ကိုလှမ်းပြီး ဖမ်းဆုပ်ကာကုန်းရုံးထလိုက်သည်။

"မုန်တိုင်း လစ်ကြမယ် အခြေအနေမကောင်းဘူး ခဏနေရဲတွေရောက်လာတော့မယ်"

"ခဏလေး ဂီတ ငါလုပ်စရာရှိသေးတယ်"

သူဂီတလက်ကို ဖြုတ်လိုက်ကာ လဲကျနေသောတရုတ်ကြီးရှိရာဖက်သို့ လျှောက်လာခဲ့သည်။ တရုတ်ကြီးက သူ့ကိုမြင်သောအခါ ရန်လုပ်မည်ထင်၍ မျက်လုံးမျက်ဆန်တွေပြူးကာ အနောက်သို့တွန့်ဆုတ် တွန့်ဆုတ်ဖြင့် ဖင်လျှော၍ ရွှေ့သွားလေသည်။ မုန်တိုင်းက အနားသို့ရောက်သော် ထိုတရုတ်ကြီး၏ လည်ဂုတ်ရှိကော်လန်စကို ဆွဲစုပ်လိုက်ပြီး မျက်နှာကို အနားသို့ကပ်ကာ

"ဒီမှာ ခင်ဗျားမိန်းမကို နိုင်အောင်ထိန်းပါ မဟုတ်ရင်ကျုပ်လိုအပြစ်မရှိတဲ့သူတွေ အလကားဒုက္ခရောက်ကုန်ဦးမယ် ပြီးတော့နောက်တစ်ခေါက် ကျုပ်ကိုကြာကူလီလို့ပြောရင် ခင်ဗျားပါးစပ်ထဲမှာရှိတဲ့ ရွှေသွားတွေတစ်ချောင်းမှ မကျန်အောင်နှုတ်ပစ်မယ် ကြားလား"

ပြောပြီးသည်နှင့်တွန်းလှဲပစ်ခဲ့ကာ ဂီတလက်ကိုဆွဲပြီး ဆိုင်ထဲမှနှစ်ကောင်သား ထွက်ပြေးလာခဲ့ကြသည်။ သူတို့ဆိုင်ပြင်ရောက်မှ တရုတ်ကြီးသည် မြန်ရာလိုရောတရုတ်လိုပါ ကြူကြူပါအောင် အော်ဆဲရင်းကျန်ခဲ့လေတော့သည်။

************

ညသည်လေပြေလေး၏ ချော့သိပ်မှုအောက်တွင် ငြိမ်သက်လျှက်ရှိသည်။ ခပ်လှမ်းလှမ်းမှ တရွေ့ရွေ့သွားလာနေသောလူများ၊ ၊လမ်းဘေးတွင် အဖီထိုးကာရောင်းချနေသော စားသောက်ဆိုင်ငယ်လေးများ၊ တကြော်ကြော်အော်ရောင်းနေသော ဘေထုတ်င်္အကျီသည်များ ကိုအပေါ်စီးမှလှမ်းမြင်နေရသည်။ ကြေးဝါရောင်လမ်းမီးများအောက်တွင် တဝီဝီမောင်းနေသော မော်တော်ယဉ်များ လူတွေဆင်းလိုက်တက်လိုက်ဖြင့် လာရပ်နေသော ဘတ်စ်ကားကြီးများဖြင့် ရပ်ကုန်ည၏မြို့လည်ခေါင်သည် စည်ကားနေလေတော့သည်။

လမ်းတစ်ဖက်နှင့်တစ်ဖက် ဖြတ်ကူးရန်ပြုလုပ်ထားသော ဂုံးတံတားပေါ်တွင် သူနှင့်ဂီတရောက်နေကြခြင်းဖြစ်သည်။ ဂီတသည် တံတားဘောင်ပေါ်သို့ လက်တင်ကာအဝေးသို့ငေးနေလေသည်။ မိုးတွင်းကုန်ပြီးဆောင်းရောက်ခါနီးနေပြီ ဖြစ်သောကြောင့် ရာသီဥတုသည် အအေးဓာတ်အနည်းငယ် ဝင်စပြုချင်လာလေသည်။ သို့ပေမယ့် စောစောကမှပြေးလွှားလာကြသည် ဖြစ်သောကြောင့် အပူငွေ့နွေးနွေးလေးက ခန္ဓာကိုယ်ထဲတွင် ရှိနေသေးသည်။

ပြေးထားသောကြောင့် ထွက်ထားသောချွေးတွေက ယခုအခါ လေတိုက်၍ခြောက်နေပြီး အသားအရည်က စေးကပ်ကပ်ဖြစ်နေသည်။ ဂီတသည်အဝေးသို့ ငေးနေရင်းမှ သူ့ဖက်သို့လှည့်လာသည်။ ဂီတ၏ မျက်နှာတွင်လဲ ချွေးစေးတို့ဖြင့်အဆီပြန်ကာ မီးရောင်တွေကြားထဲတွင် နွမ်းလျလျလေးဖြစ်နေသည်။ သို့ပေမယ့် ဂီတသူ့ကိုကြည့်မျက်ဝန်းတွေကတော့ နက်မှောင်ပြီးစူးရှလျှက်ရှိသည်။ သူဂီတနှင့်အကြည့်ချင်းဆုံ သွားသောအခါ သူ့ရင်ထဲမလုံမလဲဖြစ်သလိုလို စူးစူးနင့်နင့်ကြီးလိုလို ပူနွေးနွေးအရိပ်ငွေ့တွေ ဆူတက်လာ၏။

ဘုရားဘုရား ငါဘာတွေဖြစ်နေပါလိမ့်။ ငါ ........ငါ ရင်ခုန်နေတာများလား။ အာ....မဖြစ်နိုင်တာကွာ။ မဖြစ်နိုင်ဘူး.....လုံးဝမဖြစ်နိုင်ဘူး။ ငါတို့ကယောကျာ်းလေး အချင်းချင်းတွေပဲလေ .......ဟူး......။ သည်မနက်ကမှ သူနှင့်ဆောင်းလမ်းခွဲ ခဲ့သည့်အတွက်ညစ်ညူ နေသော သူ့စိတ်တွေဘယ်ရောက်သွားပါသနည်း။ သူကိုယ်တိုင်ပဲ လျှင်လျှင်မြန်မြန်ဖျောက်ဖျက်ပစ်နိုင် ခဲ့သည်လား။ သို့မဟုတ်ပါက တစ်စုံတစ်ရာသောအကြောင်း ကြောင့်လား သူတွေဝေစွာ ဝေခွဲ၍မရနိုင်ဖြစ်နေသည်။ ဂီတနှင့်သူ နှစ်ဦီးသား စကားမပြောပဲ တစ်ဦးနှင့်တစ်ဦး ငြိမ်သက်ငေးမော နေရင်းမှသတိပြန်ဝင်သွားသည်။ သူကပဲစပြီးစကားပြောလိုက်တာ ကောင်းမည်ထင်သည်။

"ဂီတ......" " မုန်တိုင်း....."

ဂီတကပါပြိုင်တူခေါ်လိုက်သဖြင့် အသံနှစ်ခုတစ်ပြိုင်တူထွက်လာသည်။

"မင်းအရင်ပြော....." "မင်းအရင်ပြော....."

အသံနှစ်ခုက ထပ်မံတိုက်ဆိုင်နေပြန်သည်။ သူတို့နှစ်ဦးလုံး တိုင်ပင်မထားပဲ တစ်ယောက်မျက်နှာတစ်ယောက်ကြည့်ကာ ရယ်လိုက်မိကြသည်။ သူနှုတ်ခမ်းတွေကို လျှာဖြင့်သပ်ကာ ဂီတကိုစကားစပြောလိုက်၏ ။

"ဂီတ......."

"အင်း......."

"ကျေးဇူးတင်ပါတယ်"

ဂီတသည် နှုတ်ခမ်းထောင့်လေးကွေးနေအောင် သူ့ကိုပြုံးကြည့်လေသည်။ ဂီတ၏အပြုံးတွင် ဆွတ်ပျံ့စွာသူငေးကြည့်နေမိသည်။ ထိုအပြုံးသည် အဓိပ္ပါယ်တစ်မျိုးမျိုးတော့ ရှိမည်ထင်သည်။ သို့ပေမယ့် သူထိုအပြုံး၏အဓိပ္ပါယ် စာမျက်နှာကို မဖတ်တတ်ပါ။

"ရပါတယ် မင်းဘာမှမဖြစ်တဲ့အတွက်ပဲငါက မင်းကိုကျေးဇူးတင်ရမှာပါ"

သူမျက်မှောင်ကျုပ်မိသည်။ ဂီတဘာကိုဆိုလိုချင်တာပါလိမ့်။

"ဂီတ မင်းပြောတာက ........"

"ငါကအမြဲတမ်းမင်းအနားမှာ ရှိနေတယ်ဆိုရင် မင်းယုံမလားမုန်တိုင်း။ ငါမင်းရဲ့အနားမှာ အမြဲအရိပ်လိုရှိနေခဲ့တယ် မင်းရဲ့လှုပ်ရှားမှုတိုင်းမှာ ငါမပါဝင်ပေမယ့် မင်းရဲ့နောက်ကွယ်ကနေတော့ တိတ်တဆိတ်ငါခိုးကြည့်နေခဲ့တယ်။ ငါဟာမင်းရဲ့ ခန္ဓာကိုယ်က ကပ်ပါးကောင်တစ်ကောင်လိုပဲ မင်းရဲ့ကိုယ်ငွေ့တွေနဲ့အသက်ရှုချင်နေမိတယ်။ အဲ့ဒါဘာဖြစ်လို့လဲသိလား မုန်တိုင်း။ "

"တော်တော့ ဂီတ မင်းကိုပြောလိုက်ရင် နောက်ဆုံးတော့ဒီဘူတာကိုပဲဆိုက်လာတာပဲ။ ငါမင်းကိုပြောပြမယ်ဂီတ မဖြစ်နိုင်တာကို သိပ်ပြီးစိတ်ကူးမယဉ်ရဘူး။ စိတ်ကူးယဉ်ပြီးဖြစ်မလာရင် ပိုပြီးထိခိုက်ကြေကွဲတတ်ရတယ်။ လျှပ်စစ်မီးတွေတောင် အဖိုနဲ့အဖိုဆိုရင် မီးမလင်းဘူးကွ။ သဘာဝတရားကြီးကို မလွန်ဆန်ချင်စမ်းပါနဲ့ကွာ။ ငါကတော့မင်းကိုနားမလည်နိုင်တော့ဘူး ဂီတ"

"ငါ့ကိုနားမလည်တာထက် မင်းကိုမင်းနားမလည်ဖြစ်နေတာပါ။ မင်းသာမင်းကိုယ်မင်း နားလည်သွားရင်သိပ်ကောင်းမှာပဲ မုန်တိုင်း။ ငါကတော့လောကကြီးကို ရိုးရိုးလေးနဲ့ရှင်းရှင်းလေးပဲမြင်တယ်။ ကမ္ဘာပေါ်မှာလူသားတွေ တစ်ဦးနဲ့တစ်ဦးချစ်ကြတယ်။ ချစ်တာအပြစ်မဟုတ်တဲ့ အတွက်သူတို့မှာ အပြစ်မရှိဘူး လွတ်လပ်စွာချစ်ခွင့်ရှိသင့်တယ်။ အချစ်ဟာ လျှပ်စစ်မီးမဟုတ်တဲ့ အတွက်အဖိုတွေအမတွေ မရှိဘူး။ အချစ်ဟာအချစ်ဖြစ်တဲ့အတွက် အချစ်နဲ့အချစ်ကိုချစ်လို့ရတယ်။ အချစ်မှာဘာကန့်သတ်ချက်မှ မရှိတဲ့အတွက် အချစ်ဟာလွတ်လပ်နေတယ်။ အချစ်မှာအချစ်ပဲရှိတယ် အချစ်မှာအပြစ်မရှိပါဘူး မုန်တိုင်း။"

ဂီတစကားတွေက သူ့နံရိုးတွေကနေတစ်ဆင့် နောက်ကျောသို့စိမ့်ဝင် ဖောက်ထွက်သွားသလိုခံစားလိုက်ရသည်။ ဂီတသည်သူ့ကို တည့်တည့်ရင်ဆိုင်ကြည့်ပြီးပြောနေသည် သူကတော့ဂီတကိုမကြည့်ပဲ အဝေးကိုအကြည့်လွှဲထားလိုက်သည်။ သူဘာတွေဖြစ်နေတာလဲ။ ဂီတကိုသူရင်မဆိုင်ရဲတော့ ဘူးလား။ ရင်မဆိုင်ရဲလောက်အောင် သူ့မှာခွန်အားတွေချည့်နဲ့နေပြီလား။ သူသည်ယောကျာ်းစစ်စစ်ကော ဟုတ်သေးရဲ့လား။ အာ. ........မဖြစ်နိုင်ဘူး။ မုန်တိုင်းမင်းဟာ ယောကျာ်းစစ်စစ်တစ်ယောက်ပဲ။ ဂီတစကားတွေကိုနားမယောင်နဲ့ ။ မင်းဟာယောက်ျား မင်းဟာယောကျာ်း ။

"ဂီတ မင်းစကားတွေက သိပ်ပြီးအနှောင့်အသွားမလွတ်သလိုပဲ။ မင်းကငါ့ကိုပါဆွဲထည့်နေတဲ့ သဘောလား"

"မင်းက မဟုတ်ဘူးပေါ့။ သေချာတယ်ပေါ့"

"ဂီတ မင်း........မင်း "

"မုန်တိုင်း မသိရင်မှတ်ထား မြွေမြွေချင်းခြေမြင်တယ်တဲ့ကွ။ ဟား .....ဟား.....ဟား.......ဟား"

"တောက်.....မင်းအရူးပဲ"

ဂီတကိုကျောခိုင်းပြီး သူတံတားပေါ်မှ လှေကားထစ်တွေကို ခုန်ဆင်းပြီး ပြေးလွှားလာခဲ့သည်။ သူ့ရင်ထဲတွင် စိုးရိမ်မှုတွေတစ်သိုက်ကြီးနှင့်အတူ ဝေခွဲမရသည့်မေးခွန်းတွေ ခေါင်းထဲတွင် တစ်သီကြီးပါလာလေသည်။ သူ့အတွင်းစိတ်တွေသည် အားအင်မရှိတော့သလို မောဟိုက်လာ၏။ သူ့နှလုံးသားတွေကလည်း အတောင်ကျိုးပြီး မပျံသန်းနိုင်တော့သည့် ဒဏ်ရာရငှက်တစ်ကောင်လို ညှောင်နာနာဖြစ်နေလေသည်။

ဆောင်းနှင့်ပက်သက်ခဲ့ဘူးပေမယ့် အချစ်ဆိုတာ ဘာမှန်းပင်သူမသိခဲ့ရပါ။ ချစ်သူသက်တန်းသာကုန်ဆုံးသွားခဲ့သည် သူတစ်ခါမှကြည်နူးမှုမရခဲ့ပါချေ။ ဆောင်းဆံပင်တွေကို သူမြတ်နိုးစွာကိုင်တွယ်ရင်းပြောခဲ့ ဖူးသည်။ ဆောင်းဆံပင်တွေသိပ်လှတာပဲလို့လေ။ ဒီတော့ဆောင်းက သူ့ကိုဘာပြန်ပြောသလဲဆိုတော့ ဈေးကြီးတဲ့ခေါင်းလျှော်ရည် သုံးထားလို့တဲ့လေ။ တော်တော်တရားကျဖို့ကောင်း သည့်မိန်းမပင်။ သဟဇာတမဖြစ်သော သူတို့နှစ်ယောက် မပြတ်ခင်ဆက်ကြားအတွင်း မကျေနပ်မှုအလိုမကျမှုတွေဖြင့် ရည်းစားဘဝကိုဖြတ်သန်းခဲ့ကြသည်။ သည်တော့အဘယ်မှာ သာယာနာပျော်ဖွယ်ကောင်းခဲ့ ပါသနည်း။

ယခုတစ်ဖန်သူ့ကို ဦးနှောက်စားစိတ်ရှုပ်စရာတွေကို ဂီတကသယ်လာပြန်သည်။ သူဂီတကိုခင်ပါသည် သို့ပေမယ့် ညီအကိုတစ်ယောက်လို သူငယ်ချင်းတစ်ယောက်လိုထပ် သူဘယ်လိုပိုရပါမည်နည်း။ ဂီတဘာကိုလိုချင်သည်ကို သူရိပ်မိပါသည်။ ဂီတလိုချင်သည့်အရာက ဖြစ်မှမဖြစ်နိုင်သည်ပဲလေ။ သူဘယ်လိုလိုက်လျောရမည်နည်း။

အတွေးတွေက အိမ်ပြန်ရောက်သည့်တိုင်အောင် မပြက်သေးဘဲရှိလေသည်။ ရင်ပူလာသဖြင့် ရေအိုးထဲကရေတစ်ခွက်ကို ခပ်သောက်လိုက်သည်။ ထို့နောက်အိပ်ယာပေါ် ခြေပစ်လက်ပစ်လှဲချလိုက်တော့သည်။ ထို့နောက်သူ့မျက်ခွံများလေးလံ လာပြီးအမှောင်ထုကြီး ကြီးစိုးလာကာကာမကြာမီ အတွင်းသူနှစ်နှစ်ခြိုက်ခြိုက် အိပ်ပျော်သွားသည်။

"ဒေါက်.....ဒေါက်.........ဒေါက်......"

"အိမ်ရှင်တို့ အိမ်ရှင်တို့"

"ဒေါက်.....ဒေါက်.........ဒေါက်......"

အိမ်ရှေ့မှ တံခါးတစ်ဒေါက်ဒေါက်ခေါက်သံ တွေလူခေါ်သံတွေကြောင့် မုန်တိုင်းလန့်နိုးသွားသည်။ အပြင်ဘက်မှ ဆူသံတွေက တော်တော်ကိုပြင်းထန်ပါသည်။ သူပင်ချက်ချင်း လန့်နိုးလာသည်ကိုပဲကြည့်လေ။ အိပ်မှုံစံမွှားဖြင့် အိပ်ယာထဲမှထကာ စားပွဲပေါ်မှနာရီကိုကြည့်လိုက်သည်။ ညဆယ့်နှစ်နှာရီ ကျော်နေချေပြီ။ ညကြီးအချိန်မတော် မည်သူတွေပပါလိမ့်။

"ဝါး........"

စိတ်ညစ်ညစ်ဖြင့်ကုတင်ပေါ် မှဆင်းကာ ညှပ်ဖိနပ်တစ်ရံကို စီးလိုက်ပြီး အိမ်ရှေ့သို့လျှောက်လာခဲ့သည်။ အထိုးခံထားရသည့် ဒဏ်ရာကြောင့်မျက်နှာမှာ တစ်ချက်တစ်ချက် နာလာပြီး မျက်စိပင်သိပ်မဖွင့်ချင်သလိုဖြစ်နေသည်။ အိမ်ရှေ့ရောက်တော့ အတွင်းမှတံခါံးဂျက် ကိုဆွဲကာဖွင့်လိုက်သည်။ သူပထမဆုံးမြင်လိုက်ရသည်က ရဲဦးထုပ်နဲ့ ဒုရဲအုပ်တစ်ယောက်နှင့်ရဲသားနှစ်ယောက်။ ထို့နောက်အရပ်ဝတ် င်္အကျီနဲ့ နဖူးပြောင်ပြောင်ဖြင့် လူတစ်ယောက်။ လက်ထဲတွင်လက်နှိပ်ဓာတ်မီး တစ်လက်ကကိုင်ထားသေးသည်။

"မုန်တိုင်းဆိုတာ မင်းလားညီလေး"

"ဟုတ်ပါတယ်"

"တော်ဝင်စားသောက်ဆိုင်မှာ ရန်ဖြစ်တဲ့ကိစ္စနဲ့ပက်သက်ပြီး ဖြေရှင်းစရာလေးရှိလို့ စခန်းကိုခဏလောက်လိုက်ခဲ့ပါ။"

"ဗျာ......."

                                                                                                  ဆက်ရန်ရှိသေးသည်

                                                                                                        lovealone:P